Нашата градинка работи согласно Програмата за рано учење и развој . Целта на програмата е да се обезбеди поттикнувачка, безбедна и поддржувачка средина во која секое дете ќе може слободно да се изрази, да учи преку игра и да го развива својот целосен потенцијал. Во нашата работа посветуваме внимание на сите аспекти од развојот на детето  и тоа:

• Физичко здравје и моторен развој
• Социоемоционален развој
• Развој на пристап кон учењето
• Развој на јазикот, описменување и комуникација
• Когнитивен развој и стекнување на општи знаења.

Активностите што ги реализираме се внимателно планирани според возраста и индивидуалните потреби на секое дете. Преку игра, истражување, уметност, музика и секојдневни ситуации, ги поттикнуваме децата да откриваат, соработуваат и учат едни од други. Воспитувачите и стручниот тим постојано се грижат за создавање атмосфера на доверба, љубов и почит. Соработуваме активно со родителите, кои се наши партнери во процесот на растење и учење. Заедно создаваме услови децата да растат среќни, здрави, љубопитни и подготвени за понатамошно учење и живот.